ارضِ کشمیر کی دل نشیں وادیو! | ||
تم خزاں کا ہر اک جور سہ کر بھی پائندہ ہو | ||
خار زاروں کے پتھراؤ سہتے ہوئے | ||
قافلے لالہ و گل کے بڑھتے رہے | ||
کل لہو رو رہی تھی صبا، کل گھٹاؤں کے آنچل تھے شعلہ فگن | ||
کل تمھاری بہاروں کے پیغام بر، لالہ و گل تھے خونیں کفن | ||
کل زمین و زماں کے حسیں خواب لوٹے گئے | ||
کل مری رفعتوں کے امیں، میرے خورشید و مہتاب لوٹے گئے | ||
امن، انسانیت اور تہذیب کا پاسباں | ||
وہ نگار ِحسیں، وہ نگارِ جواں | ||
موت سے زندگی مانگنے چل دیا | ||
دل نے سمجھا کہ اب ختم ہے داستاں | ||
اے حسیں اور اندوہ گیں وادیو! | ||
داستاں ظلم کی ختم ہوتی نہیں | ||
داغ دل کے کوئی آنکھ دھوتی نہیں | ||
وقت کے تیز دھارے کا رُخ موڑ کر | ||
تم کو ہونا ہے تابندہ، پائندہ تر | ||
ظلم تھا کل بھی خوار و زبوں | ||
ظلم اور جبر ہو گا ہمیشہ نگوں | ||
تم جواں ہو تو دل بھی جواں ہے ابھی | ||
داستانِ سلف حرز جاں ہے ابھی | ||
حرفِ قرآں ہے سرمایۂ زندگی | ||
پاسباں تھا جو کل، پاسباں ہے ابھی | ||
ارضِ کشمیر کی دل نشیں وادیو! | ||
اے حسیں اور اندوہ گیں وادیو! | ||
(۱۹۶۶ء) |
ارضِ کشمیر کی دل نشیں وادیو! |
تم خزاں کا ہر اک جور سہ کر بھی پائندہ ہو |
خار زاروں کے پتھراؤ سہتے ہوئے |
قافلے لالہ و گل کے بڑھتے رہے |
کل لہو رو رہی تھی صبا، کل گھٹاؤں کے آنچل تھے شعلہ فگن |
کل تمھاری بہاروں کے پیغام بر، لالہ و گل تھے خونیں کفن |
کل زمین و زماں کے حسیں خواب لوٹے گئے |
کل مری رفعتوں کے امیں، میرے خورشید و مہتاب لوٹے گئے |
امن، انسانیت اور تہذیب کا پاسباں |
وہ نگار ِحسیں، وہ نگارِ جواں |
موت سے زندگی مانگنے چل دیا |
دل نے سمجھا کہ اب ختم ہے داستاں |
اے حسیں اور اندوہ گیں وادیو! |
داستاں ظلم کی ختم ہوتی نہیں |
داغ دل کے کوئی آنکھ دھوتی نہیں |
وقت کے تیز دھارے کا رُخ موڑ کر |
تم کو ہونا ہے تابندہ، پائندہ تر |
ظلم تھا کل بھی خوار و زبوں |
ظلم اور جبر ہو گا ہمیشہ نگوں |
تم جواں ہو تو دل بھی جواں ہے ابھی |
داستانِ سلف حرز جاں ہے ابھی |
حرفِ قرآں ہے سرمایۂ زندگی |
پاسباں تھا جو کل، پاسباں ہے ابھی |
ارضِ کشمیر کی دل نشیں وادیو! |
اے حسیں اور اندوہ گیں وادیو! |
(۱۹۶۶ء) |