Ada Jafarey

Ada Jafarey

ادا ؔ جعفری

About Ada Jafarey

(22 August 1924 – 12 March 2015)

Ada Jafarey, widely recognized as the First Lady of Urdu poetry, was born in Badayun, UP, India on August 22, 1924 and was named Aziz Jehan by her mother. Her poetic quest, which spans over seven decades, started when she wrote her first verse at the age of 9 years. Poetry handwritten by her in her first bayaz dated back to when she was 13 years old is still preserved.

ادا کے لہجے میں اب ایسا تیقن اور ان کی آواز میں ایسی تمکنت ہے جو شاعر کو جہدِ اظہار میں اپنا مقام ہاتھ آ جانے کے بعد ہی نصیب ہوتی ہے۔ چناں چہ ادا جعفری نے درد کا جو شہر تخلیق کیا ہے، اس شہر کی دیواریں ان کی ذات تک محدود نہیں ، قریب قریب عالم گیر ہیں، اور اس درد میں حزن و یاس کا عنصر بہت کم ہے اور عزم و استقلال کا دخل کہیں زیادہ۔

فیض احمد فیض

اردو شاعری کی خاتونِ اوّل – ادا کی شاعری مسلسل ایک محور پر چل رہی ہے۔ یہ انسان کی چاہتوں اور محرومیوں کا محور ہے۔

سیّد ضمیر جعفری

ان کے ہاں نسوانی فطرت کی نرمی ضرور ہے، لیکن وہ اس نرمی کو اپنی امتیازی خوبی کے طور پر قبول نہیں کرتیں۔ انھوں نے شاعرہ ہونے کی حیثیت سے کسی قسم کی رعایت نہیں چاہی۔ وہ سب کے لیےاپنی آواز بلند کرتی ہے۔ عورتوں کے لیے، مردوں کے لیے، ایشیائیوں کے لیے، افریقیوں کے لیے، بلکہ ساری دنیا کے لیے۔

مرزا ادیب

اس سے انکار نہیں کہ ادا جعفری نے ایک خاتون کی حیثیت سے نسائیت کے بعض ایسے نفسیاتی کوائف اور جذبوں کی ترجمانی بھی کی ہے جو کسی مرد شاعر سے ممکن نہ تھا، لیکن وہ اسی دائرے میں گھر کر نہیں رہ گئیں۔ انھوں نے نسوانی فضا سے آگے بڑھ کر اور ذات کے حصار سے باہر نکل کر عام انسانی فضاے حیات اور مسائلِ کائنات کو اپنی شاعری کا موضوع بنایا ہے اور اس خوب صورتی و تواتر کے ساتھ کہ ان کا شمار عصرِ حاضر کے نمائندہ و معتبر شعرا میں کیا جاتا ہے۔

ڈاکٹر فرمان فتح پوری

یہ فطرتِ انسانی کے مطالبات پر لبیک کہنے ہی کا کرشمہ ہے کہ اب ادا جعفری کا فن کاروانِ حیات کا تماشائی ہی نہیں، ہم سفر بھی ہے اور تنہائیوں کے تاریک دیس میں اس قدر دُور نکل آنے کے باوجود آگہی کی یہ مشعل ان کے ہاتھ میں فروزاں ہے۔

فتح محمد ملک

ادا جعفری کی شاعری ایک خوب صورت مثال کی ماہرانہ بنت میں خواب و حقیقت کی وہ دل آویز نقش گری ہے، جس کے رنگوں کی گویائی میں لکھنؤ سے کشمیر اور ویت نام تک کی انسانی تاٴثر پذیری اور تہذیبی تابانی ملتی ہے۔ ادا جعفری کی شاعرانہ خدمات کی پذیرائی ایک ہم عصر تہذیبی صداقت کا اعتراف ہے۔

ڈاکٹر حنیف فوق

ادا جعفری اب اپنے تخلیقی سفر کی اس منزل پر ہیں جہاں رنگِ حنا کا احساس، دستِ دعا میں بدل چکا ہے اور عہدِ گزشتہ سے قائم و دائم حیاتِ جامد ، ایک ایسی متحرک (dynamic) حیات میں تبدیل ہو چکی ہے جسے شاعری انقلاب یا تخلیقی ارتقا سے تعبیر کیا جاتا ہے۔ اپنے عہد کے دستِ بے اماں میں ، زندگی کے اثبات کا بے پناہ احساس، خوابوں کو حقائق کے آئینے میں سنوارنے کا یہ طور، ادا جعفری کا طور ہے۔ان کا فن، جدید اردو شاعری کی تاریخ کا ایک درخشندہ باب ہے۔

محمود ہاشمی

ادا جعفری کی شاعری کا سفر بہت کامیاب ہے ان کے فنی ارتقا کے سنگِ میل ان کے شاعری مجموعے ہیں جو اردو کی جدید شاعری میں اپنا اعتبار قائم کر چکے ہیں اور جن کے تذکرے کے بغیر ہم جدید اردو شاعری کی منفرد آوازوں کے ساتھ انصاف نہیں کر سکیں گے۔ ادا جعفری کہیں یکسانیت کا شکار نہیں ہوئیں۔ ان میں تازہ کاری کی ایک ایسی لگن ہے جو سچے فن کار کو ہمیشہ زندہ اور تازہ دم رکھتی ہے۔

سحر انصاری

ادا جعفری کو پڑھتے ہوئی بار بار یہ خیال آیا ہے اُن کی شاعری کو جدید تنقیدی اصطلاحات یا ”کلیشے“ کی وساطت سے پڑھنا اور سمجھنا محال ہے۔ ان کو پڑھنے کے لیے صحتِ فکر اور شائستگیِ مزاج کی ضرورت ہے۔

پروفیسر مجتبیٰ حسین

ادا جعفری ان شاعرات میں نہیں ہیں جو نسائیت کے اظہار کو نمائش کی حد تک لے آتی ہیں اور اس حجاب سے بے نیاز ہو جاتی ہیں جو شاعری کا جوہر ہے۔ ادا کی سلیقہ مندی اس عظیم روایت کی عطا ہے جس کی زرخیزی جدت کے خوب صورت امکانات کی ضامن ہے۔ وہ جدید شاعرہ ہونے کے باوجود اس جدیدت کی دلدل سے دُور ہیں جو اکثر شعرا کو ڈبو چکا ہے۔

حمایت علی شاعر

…انہوں نے شاعری میں نہ تو اپنی نسوانیت کو دبایا ہے اور نہ اس کا اشتہار دیا ہے، مگر اپنی فکری و حقیقی نسوانی احساسات کا ذکر یا اندراج بڑے لطیف و نفیس انداز میں کیا ہے۔ ان کی کئی نظمیں ایک عورت ، خاص کر ایک ماں کے جذبات کا بہت ہی پُر اثر اظہار ہیں۔

ڈاکٹر عبدالمغنی

ادا جعفری کی شاعری پر چند آرا

Books by Ada Jafarey

Explore Ada Jafarey's Books

Family group: Sitting to the left of Ada is Faaez, and to the right are Sameer, Nurul Hasan and Yusuf. Standing from left to right: Azmi, Shua, Maha, Aamir, Sabah, Sabiha and Zubair. (Karachi 1992)

ABOUT THE FAMILY

Ada married Nurul Hasan Jafarey on January 29, 1947 in Lucknow, India. Nurul Hasan Jafarey, a Civil Servant. Nurul Hasan Jafarey himself had a literary bent and was a frequent contributor to both Urdu and English newspaper columns. He also served as the President of the Anjuman-e-Taraqi-e-Urdu. Nurul Hasan, a major inspiration to Ada’s writing, passed away on December 3, 1995.

Learn More