شرمندگیِ کوششِ ناکام کہاں تک
محرومیِ تقدیر کا الزام کہاں تک
دُنیا کو ضرورت ہے ترے عزم ِ جواں کی
سر گشتہ رہے گا صفتِ جام کہاں تک
کب تک ترے ہونٹوں پہ حدیث رُخِ تاباں
سر میں ترے سودائے لبِ بام کہاں تک
گیسوئے سیہ تاب و رُخ صاعقہ پرور
یہ مرگ و حیاتِ سحر و شام کہاں تک
لیلائے حقیقت سے بھی ہو جا کبھی دوچار
خوابوں کی حسیں چھاؤں میں آرام کہاں تک
رُخ گردشِ دوراں کا پلٹ سکتا ہے تو خود
ناداں! گلۂ گردشِ ایام کہا ں تک
کب تک ترے سینے میں خلش تیر مژہ کی
یادِ لبِ مے گوں سحر و شام کہاں تک
اے ذرّئہ نا چیز! خجل مہر کو کر دے
افتادہ و تفسیدہ و گم نام کہاں تک
جز وہم نہیں صیدِ رہ و رسم زِمانہ
اے طائرِ آزاد! تہِ دام کہاں تک
شرمندگیِ کوششِ ناکام کہاں تک
محرومیِ تقدیر کا الزام کہاں تک
دُنیا کو ضرورت ہے ترے عزم ِ جواں کی
سر گشتہ رہے گا صفتِ جام کہاں تک
کب تک ترے ہونٹوں پہ حدیث رُخِ تاباں
سر میں ترے سودائے لبِ بام کہاں تک
گیسوئے سیہ تاب و رُخ صاعقہ پرور
یہ مرگ و حیاتِ سحر و شام کہاں تک
لیلائے حقیقت سے بھی ہو جا کبھی دوچار
خوابوں کی حسیں چھاؤں میں آرام کہاں تک
رُخ گردشِ دوراں کا پلٹ سکتا ہے تو خود
ناداں! گلۂ گردشِ ایام کہا ں تک
کب تک ترے سینے میں خلش تیر مژہ کی
یادِ لبِ مے گوں سحر و شام کہاں تک
اے ذرّئہ نا چیز! خجل مہر کو کر دے
افتادہ و تفسیدہ و گم نام کہاں تک
جز وہم نہیں صیدِ رہ و رسم زِمانہ
اے طائرِ آزاد! تہِ دام کہاں تک
تعمیرِ نو
This website uses cookies to improve your experience. By using this website you agree to our Data Protection & Privacy Policy.
Read more