This website uses cookies to improve your experience. By using this website you agree to our Data Protection & Privacy Policy.
| میں نے گُل ریز بہاروں کی تمناّ کی تھی | ||
| مجھے افسردہ نگاہوں کے سوا کچھ نہ ملا | ||
| چند سہمی ہوئی آہوں کے سوا کچھ نہ ملا | ||
| جگمگاتے ہوئے تاروں کی تمناّ کی تھی | ||
| میں نے موہوم اُمیدوں کی پناہیں ڈھونڈیں | ||
| شدتِ یاس میں مبہم سا اشارہ نہ ملا | ||
| ڈگمگاتے ہوئے قدموں کو سہارا نہ ملا | ||
| ہائے کس دشتِ بلا خیز میں راہیں ڈھونڈیں | ||
| اب فسوںساز بہاروں سے مجھے کیا مطلب | ||
| آج ہیں میری نگاہوں میں وہ منظر توبہ | ||
| میں نے دیکھے ہیں لپکتے ہوئے نشتر توبہ | ||
| خلد بردوش نظاروں سے مجھے کیا مطلب | ||
| آسماں نور کے نغمات سے معمور سہی | ||
| میں نے گھٹتی ہوئی چیخوں کے سنے ہیں نوحے | ||
| ہائے وہ اشک جو پلکوں سے ڈھلک بھی نہ سکے | ||
| زندگی حسن و جوانی سے ابھی چُور سہی | ||
| کبھی ضوپاش ستاروں کی تمناّ تھی مجھے | ||
| آج ذرّوں کو بھی مقصود بنا رکھا ہے | ||
| آج کانٹوں کو کلیجے سے لگا رکھا ہے | ||
| کبھی گل ریز بہاروں کی تمناّ تھی مجھے | ||
| میں نے گُل ریز بہاروں کی تمناّ کی تھی |
| مجھے افسردہ نگاہوں کے سوا کچھ نہ ملا |
| چند سہمی ہوئی آہوں کے سوا کچھ نہ ملا |
| جگمگاتے ہوئے تاروں کی تمناّ کی تھی |
| میں نے موہوم اُمیدوں کی پناہیں ڈھونڈیں |
| شدتِ یاس میں مبہم سا اشارہ نہ ملا |
| ڈگمگاتے ہوئے قدموں کو سہارا نہ ملا |
| ہائے کس دشتِ بلا خیز میں راہیں ڈھونڈیں |
| اب فسوںساز بہاروں سے مجھے کیا مطلب |
| آج ہیں میری نگاہوں میں وہ منظر توبہ |
| میں نے دیکھے ہیں لپکتے ہوئے نشتر توبہ |
| خلد بردوش نظاروں سے مجھے کیا مطلب |
| آسماں نور کے نغمات سے معمور سہی |
| میں نے گھٹتی ہوئی چیخوں کے سنے ہیں نوحے |
| ہائے وہ اشک جوپلکوں سے ڈھلک بھی نہ سکے |
| زندگی حسن و جوانی سے ابھی چُور سہی |
| کبھی ضوپاش ستاروں کی تمناّ تھی مجھے |
| آج ذرّوں کو بھی مقصود بنا رکھا ہے |
| آج کانٹوں کو کلیجے سے لگا رکھا ہے |
| کبھی گل ریز بہاروں کی تمناّ تھی مجھے |