This website uses cookies to improve your experience. By using this website you agree to our Data Protection & Privacy Policy.
| اپنا صحرا بھی ساتھ ہی لائی |
| میری زنجیرِ آبلہ پائی |
| کس نے برتا ہے رنگِ لالہ و گل |
| یہ قبا کس بدن کو راس آئی |
| اتنا تنہا بھی دل نہ تھا پہلے |
| چاند نکلا تو رات کجلائی |
| کیوں تمناّ کرن کرن بھٹکے |
| اب تو لَو دے اُٹھی ہے تنہائی |
| زندگی! ہم تو شرم سار رہے |
| تو بھی کچھ یاد کر کے پچھتائی |
| جاگتی آنکھ خواب کیوں دیکھے |
| اب رہو عمر بھر تماشائی |
| جتنے چہرے ہیں ، میرے چہرے ہیں |
| آئنے آئنے سے آنچ آئی |
| دل ابھی تک وفا پہ مرتے ہیں |
| دشت در دشت بزم آرائی |
| ساتھ آواز تک نہیں ہے اداؔ |
| یا خدا! میں کہاں چلی آئی |
| اپنا صحرا بھی ساتھ ہی لائی |
| میری زنجیرِ آبلہ پائی |
| کس نے برتا ہے رنگِ لالہ و گل |
| یہ قبا کس بدن کو راس آئی |
| اتنا تنہا بھی دل نہ تھا پہلے |
| چاند نکلا تو رات کجلائی |
| کیوں تمناّ کرن کرن بھٹکے |
| اب تو لَو دے اُٹھی ہے تنہائی |
| زندگی! ہم تو شرم سار رہے |
| تو بھی کچھ یاد کر کے پچھتائی |
| جاگتی آنکھ خواب کیوں دیکھے |
| اب رہو عمر بھر تماشائی |
| جتنے چہرے ہیں ، میرے چہرے ہیں |
| آئنے آئنے سے آنچ آئی |
| دل ابھی تک وفا پہ مرتے ہیں |
| دشت در دشت بزم آرائی |
| ساتھ آواز تک نہیں ہے اداؔ |
| یا خدا! میں کہاں چلی آئی |